Ուժգին ավազամրրիկը ծածկել է Պեկինը (տեսանյութ)
Չորեքշաբթի՝ ապրիլի 15-ին, Չինաստանի մայրաքաղաք հասած ավազամրրիկը դարձել է վերջին 13 տարվա ընթացքում ամենաուժեղը, գրում է korrespondent.net-ը:
Իշխանությունները նախազգուշացրել են Պեկինի և տարերքից տուժած այլ քաղաքների բնակիչներին, որ օդի աղտոտվածության մակարդակը ծայրահեղ բարձր է և վտանգավոր է առողջության համար: Մարդկանց խորհուրդ է տրվում մնալ տանը՝ ողբերգական հետևանքներից խուսափելու համար:
Ճանապարհներին տեսանելիությունը նույնպես վատթարացել է, ինչն առաջացրել է բազմակիլոմետրանոց խցանումներ, ինչպես նաև օդանավակայանների աշխատանքի խափանումներ:
«Սինհուա» գործակալության տեղեկությունների համաձայն՝ նման իրավիճակը կշարունակվի մոտավորապես մինչև հինգշաբթի օրվա կեսօր:










