Չինացին միտումնավոր գիրացրել է ընկերուհուն՝ նրա պոտենցիալ երկրպագուներին վանելու համար (լուսանկարներ)
Չինացին երկու տարի շարունակ գիրացրել է իր գեղեցկադեմ ընկերուհուն` բոլոր մրցակիցներին վանելու համար:
Ինչպես գրում է Oddity Central–ը` Չինաստանի Գուանդուն նահանգի բնակիչ Յու Պենն ընկերուհու հետ հանդիպել սկսել է երկու տարի առաջ: Աղջիկն այն ժամանակ 45 կգ էր կշռում և բավականին գրավիչ տեսք ուներ: Այդ հանգամանքը վախեցրել է Պենին և նա ծրագիր է մշակել աղջկան ուրիշների աչքերում անհրապույր դարձնելու համար:
Երկու տարվա ընթացքում Յու Պենը ամեն ինչ արել է, որպեսզի աղջիկը հնարավորինս շատ ուտի. նա մշտապես ճոխ նախաճաշեր ու ընթրիքներ է կազմակերպել։ Երբ ընկերուհու քաշը գրեթե կրկնապատկվել է՝ հասնելով 89 կգ-ի, 25-ամյա չինացին, ով իր խոսքով, ամենաերջանիկ տղամարդն է, առաջարկություն է արել ընկերուհուն` մատանիով և կոնֆետներից կազմված ծաղկեփնջով:















