«Միսս Ռուսաստան 2015» մրցույթում հաղթող է ճանաչվել Եկատերինբուրգի ներկայացուցիչը (լուսանկարներ)
Եկատերինբուրգ քաղաքի ներկայացուցիչ Սոֆիա Նիկիտչուկը հաղթել է «Միսս Ռուսաստան 2015» մրցույթում, որն ավարտվել է Մոսկվայում Բարվիխա Luxury Village համերգասրահում, տեղեկացնում է ՏԱՍՍ գործակալությունը։
Մրցույթի եզրափակչին մասնակցել են երկրի ամենագեղեցիկ 50 աղջիկները։ Հաղթողների ընտրությունն ընթացել է մի քանի փուլով։
Մրցույթում 2-րդ տեղը զբաղեցրել է Վլադիսլավա Եվտուշենկոն (Անդրբայկալյան երկրամաս), 3-րդ տեղը՝ Անաստասիա Նայդենովան Վորոնեժից։
Հաղթողը ստացել է սպիտակ ոսկուց պատրաստված բացառիկ թագ՝ զարդարված ադամանդներով և մարգարիտով։ Սոֆիան ստացել է նաև 3 մլն ռուբլի, ավտոմեքենա և, ամենակարևորը, «Միսս աշխարհ» և «Միսս տիեզերք» մրցույթներում երկիրը ներկայացնելու հնարավորություն։




















