Ավստրիացի ռադիոդիջեյը 24 անգամ կատարել է Last Christmas երգը

Ավստրիական Antenne Kaernten ռադիոկայանի դիջեյը փակվել է ստուդիայում և 24 անգամ անընդմեջ եթերում կատարել  բրիտանական Wham  խմբի Last Christmas  երգը:

Ինչպես ներկայացնում է Lenta.ru-ն` ռադիոկայանի ծրագրային գծով տնօրենի խոսքով`  իր մտահաղացումն իրագործելու համար 27-ամյա հաղորդավարը  փակել է դուռը փայտիկով:

Կատակասեր դիջեյին կանգնեցնել կարողացել է միայն նրա աղջիկը, ով զանգել է ստուդիա և հայտնել հորը, որ ստեղծագործությունը բոլորին խենթության է հասցրել:

«Ընդհանուր առմամբ, այդ ամենը զվարճալի էր, բայց հետևանքներ կլինեն: Նա կաշխատի Սուրբ Ծնունդին և Նոր տարվա նախօրեին», - ասել է տնօրենը: