Եղանակն՝ այսօր
Օդնդաղ սարը երբեք հայկական կողմի վերահսկողության տակ չի գտնվել. հրամանատարը՝ բարձունքի «գրավման» մասին
Օդնդաղ սարի մոտակա տարածաշրջանում հայկական զինված ուժերի դիրքերի դասավորվածության մեջ, հայոց բանակի պաշտպանության ուրվագծում որևէ փոփոխություն չի եղել և հակառակորդի կողմից դիրքերի առաջխաղացում տեղի չի ունեցել:
Այս մասին այսօր լրագրողների հետ ասուլիսում հայտարարեց ՀՀ պաշտպանության նախարարը Սեյրան Օհանյանը՝ ի պատասխան լրագրողի հարցադրման, որ ադրբեջանցիների գրում են Օդնդաղի գրավման մասին։
«Պաշտպանության խորքում՝ մեզնից յոթ կիլոմետր հեռավորության վրա դիրք տեղադրելը չի նշանակում հասնել ինչ-որ առավելության»,-նկատեց Սեյրան Օհանյանը։
Նախարարը վկայակոչեց նաև իր կողքին գտնվող այդ դիրքերի զորամիավորման հրամանատարին, ով հայտարարեց, որ Օդնդաղ սարը երբեք չի գտնվել հայկական կողմի վերահսկողության տակ, այն գտնվում է հակառակորդի պաշտպանության առաջավոր եզրի խորքում, որևէ մարտավարական վիճակ չկա՝ այդ սարի վրա ինչ-որ դիտակետ կառուցելու համար:
«Ըստ որում՝ սխալ, որովհետև յոթ կիլոմետրից երևում է»,-նկատեց հրամանատարը ու հավելեց, որ եթե Օդնդաղ սարը հայկական կողմի հսկողության տակ չի գտնվել, չի նշանակում, որ չի գտնվի:
Studio One