Կատալոնական քաղաքը Իսպանիայի թագավորին «պերսոնա նոն գրատա» է ճանաչել

Կատալոնական Բրեդա քաղաքի իշխանությունների լիագումար նիստում միաձայն որոշում է կայացվել Իսպանիայի թագավոր Ֆելիպե VI-ին, ինչպես նաև իսպանական թագավորական ընտանիքի ցանկացած ներկայացուցչի  «պերսոնա նոն գրատա» ճանաչելու մասին:

Ինչպես հայտնում է Lenta.ru-ն` վկայակոչելով իսպանական  El Mundo-ն` այս առաջարկով  հանդես են եկել «Կատալոնիայի ձախ հանրապետականներ» կուսակցության ներկայացուցիչները:

Քաղաքային իշխանությունների որոշմամբ` միապետը ներկայացնում է այն «պետությունը, որը խոչընդոտում է կատալոնացիների ընտրության իրավունքի ազատ իրագործմանը»:

Բրեդան դարձավ առաջին մունիցիպալիտետը, որը երկրի թագավորին ճանաչել է «պերսոնա նոն գրատա»: