Տաջիկստանի նախագահն իր դստերը նախագահի աշխատակազմի ղեկավար է նշանակել

Տաջիկստանի նախագահ Էմոմալի Ռահմոնն իր դստերը` Օզոդա Ռահմոնին, նախագահի աշխատակազմի ղեկավար է նշանակել, հայտնել են պետության ղեկավարի մամուլի ծառայությունից, հայտնում է «ՌԻԱ Նովոստի» գործակալությունը։

«Օզոդա Ռահմոնը, ով մինչ այդ զբաղեցնում էր Տաջիկստանի արտաքին գործերի նախարարի առաջին տեղակալի պաշտոնը, նշանակվել է նախագահի աշխատակազմի ղեկավարի պաշտոնում»,- ասվում է հաղորդագրությունում:

Նոր պաշտոնում նա փոխարինել է Բախտիեր Խուդոերզոդային: