Եղանակն՝ այսօր
ԻՊ-ը հրապարակել է իր ամենահայտնի դահիճի՝ Ջիհադի Ջոնի նոր լուսանկարները
«Իսլամական պետության» զինյալները հրապարակել են Մուհամեդ Էմվազիի նոր լուսանկարները, որն առավել հայտնի է որպես Ջիհադի Ջոն, տեղեկացնում է Independent-ը։ Լուսանկարները հայտնվել են ԻՊ-ին պատկանող ամսագրում։
Դրանցում Էմվազին խիտ մորուքով է ու բանդանայով։ Նա զինվորական համազգեստ է կրում և զինված է «Կալաշնիկով» ինքնաձիգով։ Նրա հետևում ռազմական բեռնատար մեքենաներ են։
«Իսլամական պետությունն» ավելի վաղ հաստատել է իր ամենահայտնի դահիճի՝ Ջիհադի Ջոնի մահը։
Նոյեմբերի կեսերին համացանցում տեղեկություն էր հայտնվել այն մասին, որ Ռաքքա քաղաքում սպանվել է Մուհամեդ Էմզավին։
Ջիհադի Ջոնը պատանդներից մեկին մահապատժի ենթարկելու ժամանակ ցույց էր տվել դեմքը։ Նա նաև ասել էր, թե պլանավորում է վերադառնալ Մեծ Բրիտանիա՝ «մարդկանց գլխատումը շարունակելու համար»։
Ծագումով բրիտանացի Ջոնը սովորել է Լոնդոնում, իսկ 2015 թվականին Սիրիայից տեղափոխվել է Լիբիա։
Studio One