Հունաստանի ափերի մոտ փախստականներ տեղափոխող նավակ է խորտակվել. կան զոհեր

Հունական Սամոս կղզու մոտ փախստականների տեղափոխող նավակ է խորտակվել, զոհերի թիվը հասել է 24-ի, նրանցից 10-ը երեխաներ են:

Ինչպես տեղեկացնում է ТАСС-ը, ևս 11 մարդ անհետ կորած է համարվում:
Ընդհանուր առմամբ նավակում եղել է 45 մարդ:

Փրկարարական գործողության ընթացքում, որին մասնակցում են հունական առափնյա պահպանության ծառայության ու Frontex եվրոպական սահմանապահ ծառայության ներկայացուցիչները, հաջողվել է փրկել 10 մարդու:

Հունվարի 22-ին Հունաստանի և Թուրքիայի ափերի մոտ փախստականներ տեղափոխող երեք նավեր էին խորտակվել, զոհվել էր 44 մարդ՝ այդ թվում 20 երեխա:

Ներգաղթի հարցերով միջազգային կազմակերպության տվյալներով՝ տարվա սկզբից Միջերկրական ծովով Եվրոպա է հասել ավելի քան 704 մարդ:

Ամենից ավելի փախստականներ է ընդունել Հունաստանը՝ 560 հազարը, ևս 139,5 հազարը  հասել է Իտալիա:

Տարվա սկզբից Եվրոպա հասնելու փորձի ընթացքում ծովում խեղդվել է 3200 փախստական: