Հյուսիսային Կորեան պատրաստվում է բալիստիկ հրթիռ արձակել. ԶԼՄ-ներ

Հյուսիսային Կորեան պատրաստվում է մեծ հեռավորության բալիստիկ հրթիռ արձակել  առաջիկա շաբաթներին: Այս մասին հայտնում է  Корреспондент-ը` վկայակոչելով Reuters գործակալությունը:

Վերջերս ԱՄՆ-ն Հս. Կորեայում  գերակտիվություն է գրանցել, մասնավորապես` հրթիռ արձակելու համար անհրաժեշտ վառելիքի բաղադրիչների տեղափոխումը:

Միևնույն ժամանակ ամերիկյան իշխանությունների մտահոգությունն է առաջ բերում այն, որ այդ նույն տեխնոլոգիան կարող է կիրառվել  միջմայրցամաքային բալիստիկ հրթիռներ տեղափոխելու համար:

Ավելի վաղ ճապոնական գործակալությունը հաղորդել էր Հս. Կորեայի կողմից հեռահար հրթիռ արձակելու մտադրության մասին:

Հիշեցնենք, որ Հս. Կորեան  հունվարի 6-ին ջրածնային ռումբի հաջող փորձարկումներ էր անցկացրել, ինչը  միջազգային հանրության մտահոգության առիթ էր տվել: