Պարզվել է Եգիպտոսում կործանված A321 օդանավում ռումբ տեղադրած ահաբեկչի ինքնությունը. լրատվամիջոցներ

Եգիպտոսի իրավապահ մարմինները ռուսական հատուկ ծառայությունների հետ համագործակցության արդյունքում պարզել են Շարմ էլ Շեյխից Սանկտ Պետերբուրգ թռչող օդանավում ռումբ տեղադրած ահաբեկչի ու նրա հանցակիցների ինքնությունը:

Ինչպես հայտնում է ntv.ru-ն, ներկայում հետախուզում է հայտարարվել 6 մարդու նկատմամբ, որոնցից մեկը A321 ինքնաթիռում ռումբը տեղադրած անձն է: Ըստ առկա տվյալների՝ ահաբեկչության իրականացումից կարճ ժամանակ անց նա լքել է Եգիպտոսը։ 

Ըստ LifeNews-ի՝ նա նոր էր ընդունվել օդանավակայանում աշխատանքի։ Վերջին անգամ նրան տեսել են Թուրքիայում։

Հիշեցնենք, որ 2015թ. հոկտեմբերի 31-ին ինքնաթիռի կործանման հետևանքով զոհվել է 224 մարդ։