Ճապոնիայի կառավարությունը հրահանգել է արձակման դեպքում խփել հյուսիսկորեական հրթիռը

Ճապոնիայի կառավարությունն ինքնապաշտպանական ուժերին հրահանգել է խփել հյուսիսկորեական հրթիռը՝ դրա հնարավոր արձակման դեպքում։

Ինչպես տեղեկացնում է РИА Новости գործակալությունը, այդ մասին հայտնել է կառավարական աղբյուրը:

Ավելի վաղ Ճապոնիայի արտգործնախարար Ֆումիո Կիսիդան հայտարարել էր, որ կառավարությունը կանի հնարավորը քաղաքացիների անվտանգությունն ապահովելու համար:

Բացի այդ, Ճապոնիայի կառավարության գլխավոր քարտուղարը հայտարարել էր, որ հրթիռի արձակումը կարող է անսպասելի բնույթ ունենալ և տեղի ունենալ առանց նախազգուշացման:

Ճապոնական «Կիոդո» գործակալությունը հաղորդել է, որ ԿԺԴՀ-ն հաջորդ շաբաթ հնարավոր է բալիստիկ հրթիռ արձակի: