Իրանն արտասահմանյան հաշիվներում պահվող ավելի քան 100 մլրդ դոլար գումարին հասանելիություն է ստացել

16:33 • 01.02.16

Իրանը հասանելիություն է ստացել արտասահմանյան հաշիվներում պահվող ավելի քան 100 միլիարդ դոլար գումարին, որոնք ապասառեցվել են համաշխարհային գերտերությունների հետ կնքված միջուկային գործարքի իրականացման շրջանակում պատժամիջոցների վերացումից հետո, հաղորդում է Associated Press-ը:

 

Իրանի կառավարության մամուլի խոսնակ Մուհամադ Բաքեր Նոբախտն ասել է, որ Իրանի սառեցված ակտիվների մեծ մասը եղել են Չինաստանի, Հնդկաստանի, Ճապոնիայի, Հարավային Կորեայի և Թուրքիայի բանկերում։

 

Ավելի վաղ հաղորդվել է, որ Իրանը պատժամիջոցների վերացումից հետո հույս ունի տարեկան մոտ 50 միլիարդ դոլարի արտասահմանյան ներդրումներ ստանալ՝ նավթի գների կտրուկ նվազեցումից հետո տնտեսության վերականգնման համար։