Թուրքիայում պոտենցիալ մահապարտ ահաբեկիչներ են ձերբակալվել

Թուրքական Հաքքարի նահանգում իրականացված հատուկ գործողության ընթացքում ոստիկանությունը երեք հավանական մահապարտ ահաբեկչի է ձերբակալել, տեղեկացնում է Haber7 կայքը։

Հեռուստաընկերության տվյալներով՝ նրանք պլանավորում էին ահաբեկչություն իրականացնել զորամասերի ու ոստիկանական բաժանմունքների մոտակայքում։

Թուրքական լրատվամիջոցները հաղորդում են, որ ձերբակալվածները Քուրդիստանի աշխատավորական կուսակցության (PKK) ներկայացուցիչներ են։

Այսօր հաղորդվել է նաև, որ PKK-ն մտադրվել էր խոշոր ահաբեկչություններ իրականացնել Անկարա, Իզմիր, Ստամբուլ, Ադանա, Վան, Տրապիզոն նահանգներում։