Լոռիում 27-ամյա երիտասարդի են դանակահարել

2016 թվականի փետրվարի 02-ին՝ ժամը 18:45-ին, «Վանաձորի ԲԿ» ՓԲ ընկերությունից հաղորդում է ստացվել առ այն, որ կրծքավանդակի աջ կեսի ծակած-կտրած թափանցող վերքով բուժօգնության է դիմել Վանաձոր քաղաքի Վարդանանց 49/25 հասցեի բնակիչ, 1989 թվականին ծնված Լևոն Չախոյանը:
 

Այս մասին հայտնում են ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից։
 

Դեպքի առթիվ 2016 թվականի փետրվարի 02-ին ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասով:
 

Նախաքննության ընթացքում կատարվել են մի շարք քննչական և դատավարական գործողություններ՝  Լ. Չախոյանին մարմնական վնասվածք պատճառելու հանգամանքները պարզելու ուղղությամբ։
 

Կատարվել է դեպքի վայրի զննություն, հարցաքննվել են մի շարք վկաներ, նշանակվել դատաբժշկական փորձաքննություն:
 

Հանձնարարություն է տրվել ոստիկանության համապատասխան ստորաբաժանումներին օպերատիվ-հետախուզական միջոցառումներ ձեռնարկել՝ առերևույթ հանցագործություն կատարած անձին հայտնաբերելու և վարույթն իրականացնող մարմնին ներկայացնելու ուղղությամբ: