Կառնավալի պատճառով Քյոլնում ուժեղացվել են անվտանգության միջոցառումները

Քյոլնում ավանդական քաղաքային կառնավալն այս տարի անց է կացվում անվտանգության ուժեղացված միջոցառումների պայմաններում՝ քաղաքում Ամանորի գիշերը կանանց վրա իրականացված զանգվածային հարձակումների պատճառով, հաղորդում է BBC-ի ռուսական ծառայությունը:

Ամենամյա տոնը սկսվել է հինգշաբթի և կտևի վեց օր: Կառնավալի անվտանգությունը, քաղաքային պաշտոնյաների խոսքերով, ապահովում է ավելի քան 2.000 ոստիկան։

Քաղաքի փողոցներում տեղադրված են տեսահսկման լրացուցիչ տեսախցիկներ, մասնավորապես՝ գլխավոր կայարանի հրապարակում, որտեղ տեղի է ունեցել Ամանորի գիշերը կանանց վրա ներգաղթյալների հարձակումների մեծ մասը։

Բացի այդ, ոստիկանությունը կազմակերպում է կանանց համար հատուկ «անվտանգության կետ» Քյոլնի տաճարի մոտ: