Մոսկվայում անհայտ անձինք ծեծի են ենթարկել հրապարակախոս Անդրանիկ Սուլեյմանյանին

Մոսկվայում 3 քաղաքացիներ ծեծի են ենթարկել ռուսաստանյան աշխարհագրական ընկերության  անդամ, հրապարակախոս Անդրանիկ Սուլեյմանյանին և գողացել են նրա փաստաթղթերի թղթապանակը:

Այս մասին տեղեկացնում է Lifenews-ը` հաղորդելով, որ հրապարակախոսին սպասելիս են եղել Ռաշչուպկինա փողոցում:

Ավելի ուշ տղամարդը ոստիկանություն է զանգահարել և հայտնել երեք անհայտ անձանց հարձակման մասին Մոսկվայի իր տան մոտակայքում: Նա հաղորդել է, որ իրենից գողացել են փաստաթղթերի թղթապանակը:

Քիչ անց նրան տեղափոխել է շտապ օգնության մեքենան: Բժիշկները նրա մոտ երկու աչքերի հեմատոմա են ախտորոշել: Ոստիկանության աշխատակիցները օպերատիվորեն ձերբակալել են 3 կասկածյալների, ովքեր Ուբեկստանի քաղաքացիներ են:

Կատարվածի շարժառիթները պարզվում են: