Ֆրանսիայի ազգային ժողովը կողմ է քվեարկել ահաբեկիչներին քաղաքացիությունից զրկելուն

Ֆրանսիայի Ազգային ժողովը կողմ է քվեարկել երկրի Սահմանադրության մեջ փոփոխությունների իրականացման օրինագծին, որը ենթադրում է ահաբեկչության մեղադրանքով դատապարտված անձանց Ֆրանսիայի քաղաքացիությունից զրկում։

Ինչպես հայտնում է vz.ru-ն, օրինագիծն ընդունվել է ձայների 162 կողմ և 148 դեմ հարաբերակցությամբ:

Երկրի վարչապետ Մանուել Վալսը ողջունել է Ազգային ժողովի որոշումը։

«Այս օրինագծի վերաբերյալ մենք ևս մի քվեարկություն կանցկացնենք, և կարծում եմ, որ այդ անգամ կողմ քվեարկողների թիվն ավելի մեծ կլինի, ինչի արդյունքում սահմանադրական բարեփոխումը կիրականացվի»,-ասել է վարչապետը:

Կրկնակի քվեարկությունը, որի շրջանակում խորհրդարանի ստորին պալատը պետք է հաստատի իր որոշումը, անցկացվելու է չորեքշաբթի։