Արտակարգ միջադեպ Մոսկվայի մետրոյում. գծերի վրա հայտնված ուղևորները հրաշքով են փրկվել

Մոսկվայի մետրոյի «Կրասնոսելսկայա» կայարանում արտակարգ միջադեպ է տեղի ունեցել, որի կենտրոնում հայտնված երեք անձինք հրաշքով են փրկվել:

Ինչպես հաղորդում է Life News-ը` ականատեսների խոսքով` մայրաքաղաքային  մետրոյի ուղևորուհիներից մեկը պատահաբար ընկել է  գնացքի հարթակից: Նրան օգնության են շտապել  միանգամից մի քանի մարդ, որոնց թվում ոստիկան է եղել:

Տղամարդիկ  փորձում էին դուրս բերել ուղևորուհուն, սակայն մոտեցող գնացքը չափազանց արագ էր ընթանում: Բարեբախտաբար օգնության հասած տղամարդկանց հաջողվել է ուշագնաց վիճակում գտնվող կնոջը տեղավորել գծերի արանքում, իսկ իրենք արագ դուրս են եկել գծերից:

Վայրկյաններ անց ժամանած գնացքը կանգ է առել հենց նրանց դիմաց: