Հռոմի պապ Ֆրանցիսկոսը մեկնել է Կուբա` ռուս պատրիարքի հետ հանդիպման

Հռոմի պապ Ֆրանցիսկոսն ուրբաթ մեկնել է իր 12-րդ արտասահմանյան ուղևորությանը, որի ընթացքում Կուբայում նա պատմության մեջ առաջին անգամ կհանդիպի Մոսկվայի և Համայն Ռուսիո պատրիարք Կիրիլի հետ, այնուհետև ուխտագնացություն կիրականացնի Մեքսիկա, որը կտևի մինչև փետրվարի 18-ը, գրում է ՏԱՍՍ գործակալությունը:

Alitalia ավիաընկերության A-320 օդանավը, որում գտնվում է պոնտիֆիկոսը, ուղևորվել է Հավանա, ուր պետք է ժամանի 12-ժամյա անդրատլանտյան թռիչքից հետո։ Հռոմի պապին ուղեկցում է մեծ պատվիրակություն` Սուրբ աթոռի պետական քարտուղար Պյետրո Պարոլինիի գլխավորությամբ:

Էկումենիկ հանդիպմանը Հավանայի միջազգային օդանավակայանում կմասնակցի շվեյցարացի կարդինալ Կուրտ Կոխը: Իսկ Մեքսիկայում պատվիրակությանը կմիանան տեղացի կարդինալները։