Թայվանում փլատակների տակ գտել են գրկախառնված սիրահարների դիերը (լուսանկարներ)

Թայվանցի փրկարարները երկրի հարավ-արևմտյան հատվածում հզոր երկրաշարժի հետևանքով փլուզված բարձրահարկ շենքի փլատակների տակից դուրս են բերել սիրահար զույգի, ովքեր եղել են գրկախառնված վիճակում:

Ինչպես նշում է The Daily Mail-ը, դատելով տղայի` Սայ Մեգջիայի մարմնի դիրքից` նա փորձել է պաշտպանել ընկերուհուն` որպես կենդանի վահան ծածկելով նրան։ Մինչդեռ նրանք միմյանց ձեռք բռնած են եղել։

Քսանմեկամյա երիտասարդներն ուսանողներ էին ու պատրաստվում էին ամուսնանալ:

Հիշեցնենք, որ ըստ վերջին տվյալների՝ փետրվարի 6-ին տեղի ունեցած 6.4 մագնիտուդ ուժգնությամբ երկրաշարժի հետևանքով զոհերի թիվը հասել է 94-ի: Փլատակների տակ շարունակում է մնալ մոտ 100 մարդ։