Սիրիայի հետ սահմանին թուրք զինվոր է մահացել՝ երկիր ներս մտնել փորձող մարդկանց խմբի հետ բախման հետևանքով, գրում է Reuters գործակալությունը։

Դեպքը տեղի է ունեցել կիրակի օրը՝ փետրվարի 14-ին, Հաթայ նահանգի Յայլադաղը շրջանի մոտակայքում: Տեղի ունեցածի հանգամանքները պարզվում են։

Հանգստյան օրերին Սիրիայի իշխանությունները հայտնել են, որ թուրքական ծանր հրետանին հարվածներ է հասցրել Հալեպ շրջանի հյուսիսում սիրիացի քրդերի բնակության վայրերի և սիրիական բանակի դիրքերի ուղղությամբ։

ԱՄՆ-ն կոչ է արել Թուրքիային զսպվածություն ցուցաբերել և դադարեցնել Սիրիայում քրդերի ռմբակոծությունները։