Հալեպը դարձյալ հրթիռակոծվել է (լուսանկարներ)

11:06 • 16.02.16

Ահաբեկչական խմբավորումները հրթիռակոծել են Սիրիայի Հալեպ քաղաքի մի քանի շրջաններ (Նոր գյուղ, Թելեֆոն Հաուայի, Սեյրաֆի, Սուլեյմանիե)։ Հրթիռները հասել են հիմնականում խաղաղ բնակչությանը։

Ինչպես տեղեկացնում է Հալեպի «Գանձասար» պարբերականի ֆեյսբուքյան էջը, ավերվել են բազմաթիվ բնակարաններ, գրանցվել են զոհեր ու վիրավորներ։ Շատ բնակելի շենքեր քանդվել են։ Մեծ վնասներ է կրել Սիրիահայ օգնության խաչի բժշկական կենտրոնը։

Հալեպում էներգամատակարարումն անջատված է 2015 թվականի հոկտեմբերի 23-ից։ Արդեն ավելի քան մեկ ամիս է՝ քաղաքում ջուր չկա։ Բնակչությունը սղաճին դիմակայելուց բացի ստիպված է նաև ջուր և էլեկտրաէներգիա գնել մասնավոր անձանցից։