Եղանակն՝ այսօր
Սաակաշվիլին ասել է, որ ցանկանում է փոխել քաղաքական համակարգը Ուկրաինայում
Ուկրաինայի Օդեսայի շրջանի նահանգապետ Միխեիլ Սաակաշվիլին չի ցանկանում պաշտոն զբաղեցնել կառավարությունում, սակայն ցանկանում է փոխել քաղաքական համակարգն Ուկրաինայում: Корреспондент-ի փոխանցմամբ` այս մասին նա հայտարարել է «Էրա» ռադիոկայանի եթերում:
«Ես ավելի մեծ հավակնություններ ունեմ, քան կառավարական պաշտոնն է: Ես նպատակ ունեմ փոխելու քաղաքական դասը և խաղի կանոնները: Վարչապետեր Ուկրաինայում շատ կլինեն ապագա տարիներին, կառավարությունը հաճախակի կենթարկվի փոփոխությունների, դա իմ կանխատեսումն է: Սակայն մարդիկ, ովքեր կփոխեն քաղաքական խաղի կանոնները, շատ քիչ կլինեն», - ասել է Սաակաշվիլին:
Նա նաև նշել է, որ մտադիր է ճանապարհ հարթել երիտասարդների համար դեպի քաղաքականություն: Եզրափակելով ելույթը՝ Սաակաշվիլին նշել է, որ ցանկանում է մնալ իշխանության կազմում, եթե Ուկրաինայում փոխվի քաղաքական համակարգը:
Studio One