Անկարայում հզոր պայթյուն է որոտացել. հանգամանքները ճշտվում են

Փետրվարի 17-ին հզոր պայթյուն է հնչել  Թուրքիայի մայրաքաղաք Անկարայում:

Ինչպես հաղորդում է Hurriyet daily news-ը` պայթյունը որոտացել է Անկարայի ոստիկանական շենքի մոտակայքում, կան վիրավորներ:

Տեղի լրատվական աղբյուրների հաղորդմամբ` պայթյունը տեղի է ունեցել ոստիկանական անձնակազմ տեղափոխող մեքենայի վրա հարձակման հետևանքով:

Երկրի վարչապետ Ահմեդ Դավութօղլուն հայտնել է, որ ներկա պահին փորձում են պարզել միջադեպի հանգամանքները:  Վնասները ևս ճշտվում են:

Վկաների խոսքով` պայթյունի ձայնը լսելի է եղել մայրաքաղաքի տարբեր հատվածներում: