Էրդողանն Անկարայում պայթյունից հետո հետաձգել է Ադրբեջան կատարելիք այցը. կա 28 զոհ

Թուրքիայի նախագահ Ռեջեփ Թայիփ Էրդողանն Անկարայում տեղի ունեցած պայթյունից հետո հետաձգել է Ադրբեջան կատարելիք այցը:

Hurriyet daily news-ի տվյալներով` պայթյունի հետևանքով զոհերի թիվը հասել է 28-ի, ևս 61-ը՝ վիրավորվել են:

Հիշեցնենք, որ պայթյունը որոտացել է երևանյան ժամանակով 20:30-ին Անկարայի կենտրոնական թաղամասում` զինվորական հանրակացարանի  մոտակայքում: Հաղորդվում էր, որ ոստիկանների տեղափոխող մեքենա է պայթեցվել:

Երկրի իշխանությունները տեղի ունեցածն ահաբեկչություն են անվանել: