Ֆիննական ընկերությունը սխալմամբ գարեջուր է շշալցրել Pepsi-ի տարաներում

Խմիչքներ արտադրող Hartwall ֆիննական ընկերությունը հետ է կանչում Pepsi Max-ի խմբաքանակն այն պատճառով, որ գազավորված ըմպելիքի փոխարեն սխալմամբ գարեջուր է շշալցվել:

Ինչպես հայտնում է  Yle պարբերականը, խնդիրը հայտնաբերել է գնորդներից մեկը, Ֆինլանդիայի Լահթի քաղաքում, երբ վերջինիս երեխան, փորձելով ըմպելիքն, ասել է, որ այն տարօրինակ համ ունի:

Ընկերությունում այլ բողոքներ էլ են ստացվել, սակայն չի նշվել, թե որքան սխալ շշալցված տարա է հայտնվել խանութներում:

Ընկերությունը ներողություն է հայցել միջադեպի համար: