Ամերիկյան Փերլ Հարբոր բազայի մոտակայքում ուղղաթիռ է ընկել (տեսանյութ)

Ամերիկյան Հավայի նահանգում քաղաքացիական ուղղաթիռ է կործանվել։

Դեպքը տեղի է ունեցել Օահու կղզում՝ ԱՄՆ ռազմածովային ուժերի Փերլ Հարբոր ռազմաբազայի մոտակայքում, գրում է korrespondent.net-ը։

Bell 206 ուղղաթիռում եղել է հինգ մարդ: Միջադեպի հետևանքով զոհեր չկան: Վիրավորները հոսպիտալացվել են:

Ուղղաթիռն ընկել է հայտնի զբոսաշրջային տեսարժան վայր դարձած Արիզոնա գծանավի հուշարձանի կողքին, որը խորտակվել է 1941 թվականին ճապոնական ռմբակոծությունների ժամանակ: