Անկարայի ահաբեկչության գործով կա 14 ձերբակալված

Անկարայում տեղի ունեցած ահաբեկչության գործով 14 մարդ է ձերբակալվել։

Ինչպես տեղեկացնում է Anadolu գործակալությունը, կիրակի օրն ահաբեկչության հետ կապ ունենալու կասկածանքով ձերբակալվել է 21 մարդ, նրանցից 7-ն ազատ են արձակվել՝ փաստերի բացակայությամբ պայմանավորված։

Հիշեցնենք, որ փետրվարի 17-ին Անկարայում ԶՈՒ գլխավոր շտաբի հանրակացարանի մոտ պայթյուն էր որոտացել։ Դրա հետևանքով զոհվել էր 28, վիրավորվել՝ 61 մարդ։

Պայթյունի պատճառը եղել է ականապատված ավտոմեքենան։ Զոհերը հիմնականում զինվորականներ են եղել։