Երևանում վթարվել է 46 համարի երթուղայինը, կան տուժածներ. լուսանկարներ

Երևանի Ջանիբեկյան և Բաշինջաղյան փողոցների խաչմերուկում այսօր՝ առավոտյան ժամը 08։00-ի սահմաններում, տեղի է ունեցել ավտովթար՝ միմյանց են բախվել 46 համարի երթուղայինը, «Mitsubishi»–ն և կաթնամթերք առաքող «ГаЗел» մակնիշի ավտոմեքենան։

Դեպքի վայր էր ժամանել շտապօգնության երեք բրիգադ։ Վթարի հետևանքով կան մի քանի տուժածներ, որոնք անմիջապես հոսպիտալացվել են։

Հոսպիտալացվածներից մեկը 46 համարի երթուղայինի ուղևորներից էր, որին ավտոմեքենայից դժվարությամբ դուրս բերեցին։