Ղրղզստանում կանանցից բաղկացած ահաբեկչական խմբավորում է բացահայտվել

Ղրղզստանի Օշի շրջանում հայտնաբերվել է «Հիզբ ութ-Թահրիր» ահաբեկչական խմբավորման բջիջը, որը բաղկացած է կանանցից, տեղեկացնում է gazeta.ru-ն։

«Դատախազության թույլտվությամբ տեղի ունեցած խուզարկության արդյունքում տներից մեկում հայտնաբերվել են 16 կանայք, որոնց մոտից առգրավվել են ծայրահեղական բնույթի նյութեր»,-ասված է գերատեսչության հայտարարության մեջ։

Կանանցից երեքի դեմ քրեական գործեր են հարուցվել։

«Կանայք պնդում են, որ հավաքվել են միասին՝ իսլամի մասին գրքեր ուսումնասիրելու: Այդ պատճառով էլ նրանց կապը ծայրահեղական կառույցների հետ պետք է ճշտվի անհրաժեշտ քննչական գործողություններից հետո»,- հայտնել են գերատեսչությունից։