Երկու ներգաղթյալներ փորձել են կախվելու միջոցով ինքնասպան լինել Աթենքի կենտրոնում (լուսանկարներ)

Պակիստանից 2 ներգաղթյալներ փորձել են կախվել Հունաստանի մայրաքաղաքի հրապարակներից մեկում, գրում է The Daily Mail-ը։

Ինքնասպանության փորձը ժամանակին կանխել են անցորդները: Ներգաղթյալներից մեկին դուրս են բերել պարանի օղակից արդեն անգիտակից վիճակում: Երկու տղամարդկանց տեղափոխել են հիվանդանոց։

Ականատեսների համաձայն` նախքան կախվելը, պակիստանցիները հայտարարել են, որ այդ քայլին իրենց դրդել է Մակեդոնիայի հետ սահմանին հասնելու անհնարինությունը:

Հունաստանում ներկայում կուտակվել է մոտ 20.000 ներգաղթյալ։ Նրանք չեն կարողանում առաջ շարժվել, քանի որ Մակեդոնիան փետրվարի 22-ին փակել է իր հարավային սահմանը, որտեղ մանրակրկիտ ստուգումներից հետո անցնում է օրական ոչ ավելի, քան 200 մարդ:

Փախստականներին տեղավորում են մարզադաշտերում, կազմակերպում են սնունդ բաժանելու կետեր, որոնց մոտ հսկայական հերթեր են կուտակվում։