ՌԴ ԱԻՆ ղեկավարը հանքի պայթյունից հետո արգելափակված 26 հանքափորներին զոհված է համարել

Կոմի հանրապետությունում եռօրյա սուգ է հայտարարվել «Հյուսիսային» հանքավայրում տեղի ունեցած պայթյունից հետո:

Այդ օրերին դադարեցվելու են ժամանցային միջոցառումներն ու հաղորդումների հեռարձակումը:

ԱԻՆ ղեկավար Վլադիմիր Պուչովը հայտարարել է, որ հանքավայրում արգելափակված 26 աշխատակիցները կենդանի մնալու հնարավորություն չեն ունեցել:
 

Նրա խոսքով՝ այնտեղ բարձր ջերմաստիճան է և թթվածին չկա:
 

Երկրորդ պայթյունը, որի ընթացքում զոհվել են փրկարարները, տեղի է ունեցել հենց այդ հատվածում:
 

«Մենք ստիպված ենք ընդունել, որ այն պայմանները, որոնք առկա են հանքավայրի վթարված մասում, ինչ-որ մեկին փրկվելու հնարավորություն չէին կարող տալ»,-ասել է Պուչկովը:
 

Պայթյունը տեղի էր ունեցել փետրվարի 25-ին: Մեթանի արտահոսքից հետո երկու պայթյուն էր գրանցվել, որը հանգեցրել էր փլուզման: 
 

ՌԴ ԱԻՆ-ը հաստատել է, որ հանքավայրում տեղի ունեցած կրկնակի պայթյունի հետևանքով 6 մարդ է զոհվել, վիրավորվել են 5-ը:
 

Զոհերից 5-ը լեռնային փրկարարները են, մեկը՝ հանքի աշխատակից: