Լոնդոնի «Գեթվիկ» օդանավակայանը ժամանակավորապես փակ է՝ վառելիքի արտահոսքի պատճառով

16:34 • 29.02.16

Լոնդոնի «Գեթվիկ» օդանավակայանում ավիահաղորդակցությունը ժամանակավորապես դադարեցվել է՝ վառելիքի արտահոսքի պատճառով: Այդ մասին հաղորդում է РИА Новости-ն՝ վկայակոչելով օդանավակայանի մամուլի ծառայությանը:

 

Վառելիքի արտահոսքը տեղի է ունեցել թռիչքուղիներից մեկի վրա, դրա պատճառը դեռ չի պարզվել:

 

Ավիահաղորդակցությունը «կվերականգնվի մոտ ժամանակներս», հայտնել է մամուլի ծառայությունը:

 

Ընկերության պաշտոնական ներկայացուցիչը հավելել է, որ ժամանակավորապես չեղյալ են հայտարարվել բոլոր չվերթները: Նրա խոսքով՝ մի քանի ժամանող չվերթներ ստիպված են օդում մնալ, բայց օդանավակայանը դրանք կընդունի «առաջնահերթության կարգով»՝ թռիչքուղու անվտանգության հետ կապված ստուգումներից անմիջապես հետո։