Սիրիայի բանակը 1 շաբաթում ԻՊ-ի 100 գրոհային է ոչնչացրել

Սիրիայի կառավարական ուժերը մեկ շաբաթում Հանասեր-Հալեպ ռազմավարական նշանակություն ունեցող  մայրուղու համար մղված մարտերում ավելի քան 100 գրոհայինների են ոչնչացրել «Իսլամական պետություն» խմբավորումից: Այս մասին հայտնում է РИА Новости-ն` վկայակոչելով սիրիական ռազմական աղբյուրը։

Հանասեր-Հալեպ մայրուղին, որն անվանում են «կյանքի ուղի», արգելափակված է եղել ահաբեկչական խմբավորման զինյալների կողմից, ազատագրվել է մոտ մեկ շաբաթ առաջ: Գրոհայինները գրավել են Հանասեր քաղաքն ու հարակից գյուղերը` այնտեղից կրակ բացելով  աշխարհազորայինների ջոկատների ուղղությամբ:

Հիշեցնենք, որ Սիրիայում փետրվարի 27-ից հրադադարի ռեժիմ  է հաստատվել, որը չի տարածվում «Ջեբհաթ ան-Նուսրա» և «Իսլամական պետություն» խմբավորումների վրա: