Ֆրանսիայում փախստականների ու ոստիկանների միջև բախումներ են եղել` «Ջունգլիներ» ճամբարի ապամոնտաժման պատճառով (տեսանյութ)

Ֆրանսիայի իշխանությունների հրամանով` Կալե քաղաքում գտնվող և մոտ 4.000 փախստականների ապաստանած «Ջունգլիներ» ճամբարի մի մասն ապամոնտաժվել է, ինչի հետևանքով լուրջ բախումներ են տեղի ունեցել փախստականների ու ոստիկանների միջև:

Ինչպես հայտնում է bbc.com-ը, փախստականները սկսել են քարեր նետել իրավապահների ուղղությամբ, ինչին ի պատասխան օրենքի ներկայացուցիչներն արցունքաբեր գազ են կիրառել: Դրանից հետո փախստականները հրկիզել են մի քանի վրան:

Այժմ «Ջունգլիներից» տեղահանվել է մի քանի հազար մարդ, որոնց հետագա ճակատագրի մասին դեռևս ոչինչ պարզ չէ:

Ինչպես ավելի վաղ հայտնել էր Tert.am-ը,  ճամբարի մի մասի ապամոնտաժումից հետո այնտեղ մնացել է մոտ 1.000 մարդ, ովքեր պետք է այսօր ևս հեռանան «Ջունգլիներից»։
 

Տեսանյութը դիտել այստեղ։