Մալայզիայի վարչապետի հաշիվներին մոտ 1 մլրդ դոլար է պահվել. The Wall Street Journal

10:28 • 01.03.16

Մալայզիայի վարչապետ Նաջիբ Ռազակի բանկային հաշիվներին պահվող գումարը հասել է 1 միլիարդ դոլարի, այլ ոչ 681 միլիոնի, ինչպես հայտարարվել է ավելի վաղ, հաղորդում է The Wall Street Journal-ը՝ վկայակոչելով իրավիճակին ծանոթ աղբյուրների։

 

Քննիչները կարծում են, որ ավելի քան 1 միլիարդ դոլար է եղել Ռազակի հաշիվներին 2011-2013 թվականներին, և միջոցների մեծ մասը սկիզբ է առնում 1MBD պետական հիմնադրամից։

 

Անցած տարվա հուլիսին հաղորդվել էր, որ Ռազակը մոտ 700 միլիոն դոլար է ստացել իր անձնական հաշվեհամարին 1MBD պետական հիմնադրամի հետ կապված կազմակերպություններից: Այդ ժամանակ երկրի նախկին վարչապետ Մախատխիր Մոհամադը մեղադրել է նրան կաշառակերության համար։

 

Մալայզիայի գլխավոր դատախազ Մոհամեդ Ապանդի Ալին նշել է, որ երկրի վարչապետի անձնական հաշվին խոշոր գումարը՝ 681 միլիոն դոլար, Սաուդյան Արաբիայի թագավորական ընտանիքի նվիրատվությունն է։