Թրամփի հանրահավաքի ժամանակ անվտանգության աշխատակիցը բռնել է Time-ի լուսանկարչի կոկորդից և նրան գետին տապալել (նկարներ, տեսանյութ)

Հանրապետական կուսակցությունից ԱՄՆ նախագահի թեկնածու Դոնալդ Թրամփի հանրահավաքի ժամանակ ԱՄՆ-ի գաղտնի ծառայության աշխատակիցը բռնել է Time-ի լուսանկարչի կոկորդից և նրան գետին տապալել, հաղորդում է The Daily Mail-ը։

Սոցիալական ցանցերում տեղադրված տեսանյութում երևում է, թե ինչպես է գետնին ընկած լուսանկարիչ Քրիս Մորիսը ոտքերով հարվածում անվտանգության աշխատակցին Վիրջինայում անցկացվող միջոցառմանը, այնուհետ վեր կենում և բռնում նրա կոկորդից։

Մորիսը հայտնել է, որ, այնուամենայնիվ, նրա վրա առաջինն են հարձակվել։ Դա են հաստատել նաև միջադեպի ականատեսները։ Լրագրողը հավելել է նաև, որ անվտանգության աշխատակցի նկատմամբ մեղադրանքներ չի առաջադրի։

«Ես 45 սանտիմետր դուրս եկա լրագրողների համար նախատեսված գծից, և նա բռնեց իմ կոկորդը և սկսեց խեղդել ինձ, իսկ հետո ինձ գցեց գետնին»,- պատմել է Մորիսը լրագրողներին։