Եղանակն՝ այսօր
Անջելինա Ջոլիի և Քարդաշյան քույրերի փաստաբանը պատմել է աստղային ամուսնալուծությունների գաղտնիքների մասին
Փաստաբանը, ում հաճախորդների թվում են Անջելինա Ջոլին, Քարդաշյան քույրերը, Բրիթնի Սփիրսը և այլ աստղեր, պատմել է հայտնիների ամուսնալուծության գործընթացների գաղտնիքների մասին, գրում է segodnya.ua-ն:
Աստղային փաստաբան Լաուրա Ուեսերը կարող է մասամբ զերծ պահել իր հաճախորդներին մամուլի ուշադրությունից: Հենց այդ պատճառով էլ նա այդքան հայտնի է աստղերի շրջանում:
Լաուրան բացատրում է, որ ավելի լավ է ամուսնալուծության դիմումը ներկայացնել ուրբաթ ճաշից հետո. հանգստյան օրերը հաճախ ԶԼՄ-ներում բավականին հանգիստ են անցնում, այդ պատճառով էլ հնարավորություն կա, որ ամուսնալուծությունը չի հայտնվի մամուլի էջերին անմիջապես հաջորդ օրը:
Փաստաբանը խորհուրդ է տալիս նաև ընտրել որևէ հասարակ գրասենյակ, օրինակ՝ Սանտա Բարբարայում:
Հաճախ ստացվում է այնպես, որ ամուսնալուծության մասին դիմումը հայտնվում է մամուլի էջերին, այդ պատճառով էլ Ուեսերը պնդում է, որ թղթերով զբաղվեն պատասխանատու մարդիկ:
Նա երբեմն լրագրողների համար «թեժ» թեմաներ է փնտրում, որպեսզի վերջիններս շեղվեն իր հաճախորդներից: Մինչ լրատվամիջոցների ուշադրությունը գամված է որևէ աղմկահարույց իրադարձության վրա, փաստաբանն անմիջապես մի քանի գործ է ներկայացնում դատարան:
«Ես իմ հաճախորդներին ասում եմ, որ ունեմ ևս մի ամուսնալուծություն, չեմ կարող ասել` ով է: Պետք է սպասել և փաստաթղթերը միասին ներկայացնել»,- պատմել է Լաուրան:
Studio One