ԱՄՆ-ում 2 տարեկան երեխան ոստիկանություն է կանչել` չկարողանալով հագնել տաբատը (լուսանկար)

ԱՄՆ-ում 2 տարեկան աղջիկը ոստիկանություն է կանչել, երբ չի կարողացել հագնել տաբատը, գրում է The Daily Mail-ը։

Հարավային Կարոլինա նահանգի դիսպետչերական ծառայությունը ոստիկանական ջոկատին է փոխանցել տեղեկություն այն մասին, որ զանգ է ստացվել փոքրիկ երեխայից, ով կապ հաստատելուց հետո անջատել է հեռախոսը: Որպեսզի համոզվեն, որ ամեն ինչ կարգին է, ոստիկանները մեկնել են այդ հասցեով:

«Որքան մեծ էր մեր զարմանքը, երբ դռների մոտ հայտնվեց նա` մեկ ոտքն անդրավարտիքի մեջ, և ասաց` «Ողջույն»»,- պատմել է ոստիկանության սպա Մարտա Լոունսը:

Նա օգնել է երեխային հագնվել, ինչի համար փոքրիկը «վճարել» է գրկախառնությամբ և թույլ տվել, որ ոստիկանները հեռանան:

Երեխայի մայրը պատմել է, որ ինքը միայն վերջերս է սովորեցրել նրան, որ օգնության անհրաժեշտության դեպքում պետք է զանգահարել 911 համարով:

«Մենք սովորել ենք համարները, սակայն ես զարմանում եմ, որ նա կարողացել է օգտվել դրանից»,- նշել է աղջնակի մայրը։