102 մետր. ռուսները սառույցի տակ ջրասուզման համաշխարհային ռեկորդ են սահմանել (տեսանյութ)

Ռուսական երկրաբանական միության անդամներ  Մաքսիմ Աստախովն ու Ալեքսանդր Գուբինը Սպիտակ ծովում նոր ռեկորդ են սահմանել` սառույցի շերտից դեպի ներքև իջնելով 102 մետրով:

Ինչպես հայտնում է The Guardian-ը, համաշխարհային ռեկորդի սահմանման շրջանակներում նրանք փորձարկել են  ստորջրյա խորասուզման համար նախատեսված նոր հարմարանքներ:

Սպիտակ ծովի ջրերում 80 րոպե տևած սուզման ժամանակ ջերմաստիճանը եղել է -1.5 աստիճան: Սակայն ջուրը չի սառչել աղի բարձր պարունակության շնորհիվ:

«Այնտեղ` ծովի հատակին, այդքան էլ մութ չէր, ինչպես որ ես ենթադրում էի: Այնքան ուրախացա, երբ տեսա, որ 102 մ խորության վրա այդքան շատ կենդանիներ են ապրում»,-պատմել է Աստախովը:

Ցամաք դուրս գալուց հետո Աստախովն ու Գուբինը պատմել են, որ նոր սարքավորումները սկզբում չեն աշխատել  նման խորության վրա, սակայն ավելի ուշ ամեն ինչ կարգավորվել է: