ԱՄՆ-ում ծերանոցի 90-ամյա բնակչին մեղադրել են սեռական ոտնձգություն կատարելու մեջ

ԱՄՆ Սիեթլ քաղաքի դատախազությունը 90-ամյա Աբրահամ Քենգին մեղադրել է սեռական ոտնձգություն կատարելու համար:

Ինչպես տեղեկացնում է USA Today-ը` նրա զոհն է դարձել  66-ամյա Լինդա Մելոունը: Նրանք երկուսն էլ ծերանոցի բնակիչներ են:

Ինչպես հաղորդվում է` տղամարդը Լինդայի հետ կապվել է հունվարին, երբ հայտնել է, որ ցանկանում է ծերանոցի բոլոր բնակիչներին  աթոռակներ նվիրել: Նա այցելել է Լինդային և ցանկացել գրկել նրան, ինչպես նաև հայտնել, որ դեռ ունակ է սեքսով զբաղվելու:

Կնոջ խոսքով` կասկածյալի ոտնձգություններն ընդհատել է հեռախոսազանգը, որից հետո վերջինս հեռացել է: Կինը բողոք է ներկայացրել ոստիկանություն և պարզվել է, որ Քենգի նկատմամբ նմանօրինակ բողոք ներկայացվել էր նաև 2012-ին: Այն ժամանակ տուժողը 92-ամյա կին է եղել:

Նշվում է, որ Քենգի նկատմամբ դատավարությունը տեղի կունենա այս ամիս: