Անկարայի ահաբեկչության գործով 4 մարդ է ձերբակալվել

Թուրքական Շանլըուրֆա նահանգում Անկարայի ահաբեկչության հետ կապ ունենալու կասկածանքով  4 մարդ է ձերբակալել։

Ինչպես տեղեկացնում է CNN Turk-ը, ձերբակալվածները կապ ունեն ահաբեկչության ընթացքում պայթեցված մեքենայի վաճառքի հետ։

Պարզվել է, որ ավտոմեքենան ձեռք է բերվել հենց Շանլըուրֆայում։ Տեղեկությունը ճշտելուց հետո համանուն քաղաքի Հանրապետության փողոցում ձերբակալվել են 4 անձինք։

Կիրակի երեկոյան Անկարայի կենտրոնում՝ Թուրքիայի վարչապետի գրասենյակներից մեկից ոչ հեռու, ականապատ ավտոմեքենա է պայթեցվել։ Պայթյունը տեղի է ունեցել այն պահին, երբ մեքենան գտնվել է երկու ավտոբուսների մեջտեղում։ Զոհվել է 37, վիրավորվել՝ 125 մարդ։