Ավելի քան 5.000 հյուր, անգամ՝ DJ. Հնդկաստանում տեղի է ունեցել շների հարսանիք (տեսանյութ)

Ավելի քան 5.000 մարդ է այցելել շների հարսանիքին, որը տեղի է ունեցել ավանդական հինդուիստական ավանդույթների համաձայն՝ Հնդկաստանի հյուսիսային Ուտար-Պրադեշ նահանգի Պավարա գյուղում, հաղորդում է mashable.com կայքը:

Հարսանիքը նման է եղել հնդկական մյուս հարսանիքներին, հյուրերը պարել են տեղի DJ-ի երաժշտության ներքո, իսկ «փեսա» Շագունը ժամանել է ծաղիկներով զարդարված հատուկ մեքենայով:

«Հարսնացու» Շագունյայի տերը՝ Ջունգ Բահադուրն անգամ հուզվել է հարսանեկան արարողության ժամանակ:

«Չնայած նա իմ շունն է, նա ասես դուստրս լինի»,- ասել է հուզված տերը։

Արարողությունից հետո զույգը հեռացել է ավտոմեքենայով:

Big fat "dog wedding" held in Kaushambi (UP), 5k people in attendance; complete with ceremonies & tearful send off.https://t.co/mpGTyRfCjO

— ANI (@ANI_news) March 12, 2016