ՌԴ օդուժը շարունակում է Սիրիայում ավիահարվածներ հասցնել ԻՊ-ի դիրքերին

Ռուսաստանի օդատիեզերական ուժերը շարունակում են ավիահարվածներ հասցնել «Իսլամական պետություն» և «Ջեբհաթ ան-Նուսրա» ահաբեկչական խմբավորումների դիրքերի ուղղությամբ:  РИА Новости-ի փոխանցմամբ` այս մասին հայտնել է ՌԴ Զինուժի գլխավոր շտաբի օպերատիվ վարչության ղեկավար Սերգեյ Ռուդսկոյը:

«Ցանկանում եմ ընդգծել, որ ՌԴ օդատիեզերական ուժերը կշարունակեն ավիահարվածները ահաբեկչական խմբավորումների դիրքերին Սիրիայի տարածքում»,- ասել է Ռուդսկոյը:

Նա նաև նշել է, որ ռուսական օդանավերն ամեն օր մոտ 25 հարված են հասցնում ահաբեկիչների ուղղությամբ Պալմիրա քաղաքի ազատագրումն ապահովելու համար: