Եղանակն՝ այսօր
Նյու Յորքի օդանավակայանում բորտուղեկցորդուհին ձերբակալվել է 30 կգ կոկաին տեղափոխելու համար
Նյու Յորքում ձերբակալվել է JetBlue ավիաընկերության բորտուղեկցորդուհին, ով փախել է Կալիֆորնիա նահանգից` ստուգման ժամանակ թողնելով 30 կգ կոկաինով ձեռքի ուղեբեռը:
Մարշա Գեյ Ռեյնլոդսն ինքնակամ հանձնվել է ոստիկանությանը Ջոն Քենեդու անվան միջազգային օդանավակայանում, հայտնում է Նյու Յորքում ԱՄՆ-ի գլխավոր դատախազության վարչությունը:
Ըստ աղբյուրի` նախորդ ուրբաթ Լոս Անջելեսի օդանավակայանում բորտուղեկցորդուհին առաջացրել է Տրանսպորտի անվտանգության վարչության աշխատակիցների կասկածները: Նրանք խնդրել են կնոջը ստուգում անցնել: Ռեյնոլդսն անցել է ստուգման գոտի, սակայն խուճապի է մատնվել, վազել է և թաքնվել` թողնելով ձեռքի ուղեբեռը, որում էլ հայտնաբերվել է կոկաինը, հայտնում է ՏԱՍՍ գործակալությունը։
Նրան տարածման նպատակով թմրանյութեր տեղափոխելու վերաբերյալ մեղադրանք է ներկայացվել:
Studio One