Պետք է հարգել Սիրիայի տարածքային ամբողջականությունը. Սիրիայի հարցով հայտարարության նախագիծ

Սիրիայի հարցով ՄԱԿ-ի հատուկ բանագնաց Ստեֆան դե Միստուրան Ժնևում միջսիրիական բանակցությունների մասնակիցներին 12 կետանոց փաստաթուղթ է ներկայացրել:

Ինչպես տեղեկացնում է РИА Новости գործակալությունը, Ժնևի բանակցությունների արդյունքում կողմերը միասնական դիրքորոշում պետք է հայտնեն փաստաթղթի վերաբերյալ:

ՄԱԿ-ի հատուկ ներկայացուցիչը, մասնավորապես, միջսիրիական բանակցությունների կողմերին առաջարկում է համաձայնել «Սիրիայի տարածքային ամբողջականությունը, միասնությունը, անկախությունն ու ինքնիշխանությունը հարգելու անհրաժեշտությանը», ասված է փաստաթղթում։