Ֆրանսիայի ՆԳՆ-ն հայտնել է ահաբեկչության կանխման մասին

Ֆրանսիայում ձերբակալվել է մի տղամարդ, ում կասկածում են ահաբեկչական հարձակում նախապատրաստելու համար, հայտնել է երկրի ներքին գործերի նախարար Բեռնար Կազնովը, փոխանցում է BBC-ն։

Նրա խոսքով՝ Փարիզում և Բրյուսելում ահաբեկչությունների և նախապատրաստվող հարձակման միջև կապը դեռ չի հաստատվել։

Կազնովը նշել է, որ ձերբակալության վայրում աշխատում են սակրավորները: Կասկածյալը ձերբակալվել է ոստիկանական ստուգման ժամանակ, որն անցկացվել է Փարիզի Արժանտյոյ արվարձանում:

Համաձայն ֆրանսիացի նախարարի` ձերբակալվածը, ով Ֆրանսիայի քաղաքացի է, կարևոր դեր է խաղացել նախապատրաստվող ահաբեկչության գործում։

Կազնովի խոսքով՝ տարեսկզբից ի վեր ահաբեկչական գործողությանը ներգրավվածության կասկածանքով ձերբակալվել է 75 մարդ, 28 մարդ ազատազրկվել է։