Վրաստանի էկոնոմիկայի նախարարության շենքում հրդեհ է բռնկվել. այրվել է 500 քմ տարածք

Վրացական ԶԼՄ-ների փոխանցմամբ՝ երկրի էկոնոմիկայի նախարարության շենքում այսօր առավոտյան հրդեհ է բռնկվել, ինչի հետևանքով այրվել է 500 քմ մակերեսով տարածք:

Ինչպես նշում է ria.ru-ն, հրդեհի պատճառով տուժել է հավաքարարը։ Կրակն արդեն մարվել է, սակայն աշխատակիցներին դեռևս թույլ չի տրվում մուտք գործել շենք:

«Ներկայում որևէ վտանգ չկա: Ըստ մեր ունեցած տվյալների՝ այրվել է մոտ 500 քմ մակերեսով տարածք»,- պատմել է Արտակարգ իրավիճակների ծառայության աշխատակիցը:

Նշվում է, որ դեպքի վայրում աշխատել է 11 հրշեջ բրիգադ։ Հրդեհի պատճառը եղել է էլեկտրագծերի վնասումը։