Եգիպտական ինքնաթիռն առևանգողն Ատլանտայի համալսարանի պրոֆեսոր է. աղբյուր

Եգիպտական ինքնաթիռն առևանգած Իբրահիմ Սամահան ԱՄՆ-ի Ատլանտա համալսարանի պրոֆեսոր է. այդ մասին հայտնել է «Ալ-Ահրամ» թերթը՝ Եգիպտոսի ուժային կառույցների աղբյուրներին հղումով։

Լրատվամիջոցների հաղորդմամբ՝ նա А320 ինքնաթիռի գրանցված ուղևոր է եղել, նստած է եղել 38К տեղում։

Նա մոտ 50 տարեկան է։ Հաղորդվում է, որ Սամահան թարգմանիչ ու քաղաքական ապաստան է պահանջել Կիպրոսում։

Թռիչքից անմիջապես հետո նա անձնակազմին հայտնել է առևանգման մասին ու պահանջել է մեկնել Թուրքիա։ Սակայն վառելիքի քիչ լինելու պատճառով ինքնաթիռը վայրէջք է կատարել Լառնակայի օդանավակայանում։

Ինքնաթիռում ռումբի առկայության մասին տեղեկությունը չի հաստատվում, հայտնում են կիպրական աղբյուրները։

Ինքնաթիռի բոլոր ուղևորները՝ բացի 5 օտարերկրացիներից ու անձնակազմի անդամներից, ազատ են  արձակվել։

Հիշեցնենք, որ ավելի վաղ հաղորդվել է, որ Ալեքսանդրիա-Կահիրե չվերթն իրականացնող ուղևորատար ինքնաթիռն առևանգվել է։ Այն վայրէջք է կատարել Կիպրոսի Լառնակայի օդանավակայանում։